marsiya imam zamaan
shadman raza - 2012
ha ek aayenaa shabe ashoor tha wo maqtal kaa
hussain ne jo bataaya hilal ne dekha ye hai imame zamaana ki ghaybate kubra ye farz kijiye lekar hame chale maula wahaan hussain zameen par jagaa bataate hain yahaan imam ye manzar hame dikhaate hain pari huwi hai ye laashen lahu hai ab bhi rawaan wo mera hoore jari qatl hogaya mehmaan jo karbala ke the ansaar de chuke hain jaan dilon ko thaam lo logo to kuch karu mein bayaan laraztaa ab bhi tane paash paash hai dekho ye hai jo gathri ye qaasim ki laash hai dekho lahu me dubi huwi hai shabihe payghambar jawaan ki laash pe ghirya kunaa hai har maadar pisar ke seene se barchhi nikaal ni thi magar na band ho sakaa wo zakhme sinaye akbar dua karo ke ye ghaybat meri simat jaaye ye zakhm dekh ke mera jigar na phat jaaye har ek dukh meri ghaybat ki qaayenaat me hai ye karbala jo bapaa hai ye meri zaat me hai mein ro raha hun meri zulfiqaar saath me hai gale me teer hai asghar ki laash haat me hai bahot qarib se mein shor o shein sunta hun mein ab bhi maadare asghar ke bayn sunta hun lahu me dubi meri qaayenaat hai logo jigar hai sokta tashna hayaat hai logo taweel ghaybate kubra ki raat hai logo har ek shahid ki maa mere saath hai logo har ek god hai khaali zahoor kab hoga har ek maa hai sawaali zahoor kab hoga imam khaimaye ghaybat me ho gaye hain aseer tchidi huwi hai sina se rasul ki taswir wo laashe qaasim o abbas hai ye laashe saghir har ek laash yahaan aake rakh gaye shabbir are bachaa hi kaun tha maqtal se koyi aa na sakaa mere hussain ka laasha koyi utha na sakaa imam qatl huwe naasiron ko bhi khoya na waqt ne kabhi is mere zakhm ko dhoya na ek pal mein kisi raat tchain se soya hazaar saal mein tchautis saal ko roya ye qaid khaane ka rastaa bure kab hoga sakina putch rahi hai zahoor kab hoga hai mere zehn me wo qarwe aabide bimaar khule saron ki aziyat wo shaam ka baazaar agar che paas mere hai hussain ki talwaar qamar me kya karun lashkar mera nahi tayyaar ab inteqaam ka sab inhesaar tum par hai mere zahoor ka daar o madaar tum par hai |
|