khuda ke wali
ali safdar - 2013

maula ali maula ali
mushkil kushaa maula ali

khuda ke wali suwe jannat gaye
ke maula ali suwe jannat gaye

wo khaybar shikan murshide awliya
ajab bandagi ka wo andaaz tha
kiya zarb lagte hi shukre khuda
kaha ba khuda kaamraan ho gaya
kamaal aasmaan se ye aayi nidaa
ke maula ali suwe jannat gaye

hadaf tegh ka tha jo maula ka sar
kiya waar zaalim ne islaam par
usi ka gaya karbala tak asar
ke ummat ne luta payambar ka ghar
kamaal aasmaan se ye aayi nidaa
ke maula ali suwe jannat gaye

tarap jaayein dil bibiyon ke wo bayn
tarapte the gham se hasan aur hussain
tha saqte me abbas sa noore ayn
na aata tha pal bhar ghulaamon ko chain
kamaal aasmaan se ye aayi nidaa
ke maula ali suwe jannat gaye

salooni ke mimbar ka wo taaj har
lagi jis pe thi haasidon ki nazar
giraaya gaya shehre daanish ka ghar
jahaan se utha aalime khushk o tar
kamaal aasmaan se ye aayi nidaa
ke maula ali suwe jannat gaye

wo daste ilaahi wo shere khuda
wo meraaj me lehja e kibriya
wo banda amal jiska tha haq numaa
sakhi jis pe naazaan huwi hal ataa
kamaal aasmaan se ye aayi nidaa
ke maula ali suwe jannat gaye

falaq se huwi tegh jis ko ataa
zameen jiske qadmon pe har dam fidaa
tha jangon me jo saaya e mustafa
thi irse me baba se paayi wafa
kamaal aasmaan se ye aayi nidaa
ke maula ali suwe jannat gaye

the maula ke maatam me kaun o makaan
tha izhaare ranj o alam be karaan
malaaik me barpa tha shore fughaan
qayaamat bhi hairaan ho tha wo samaan
kamaal aasmaan se ye aayi nidaa
ke maula ali suwe jannat gaye